श्याम ठक तालुकाध्यक्षपदी ,मुफीज खान उपाध्यक्ष तर संजय वाट यांची सचिव पदावर नियूक्ती
बार्शीटाकळी येथे दि.०४ ऑक्टोबर २०२३ रोजी व्हॉइस ऑफ मीडीयाची तालुका कार्यकारिणी घोषित करण्यात आली.
सविस्तर वृत्त असे की देशातील पत्रकारांच्या न्यायासाठी व हक्कांसाठी अग्रेसर असलेल्या ,व्हॉइस ऑफ मीडीया ह्या अग्रगण्य पत्रकार संघटनेच्या बार्शीटाकळी तालुका कार्यकारीणी घोषित करण्यात आली आहे.
अकोला जिल्हाध्यक्ष संजय खांडेकर यांनी बार्शीटाकळी तालुका अध्यक्षपदावर श्याम ठक ,उपाध्यक्षपदी मुफीज खान तर सचिव पदावर संजय वाट यांची नियुक्ती केली. यावेळी जिल्हा कार्यकारीणीचे संजय खांडेकर,उमेश अलोणे,धनंजय साबळे ,विमल जैन व दीपक गवई यांची प्रमुख उपस्थिती होती. कार्यक्रमाला बार्शीटाकळी तालुक्यातील बहुतांश पत्रकार उपस्थित होते .
त्यामध्ये मुफीज खान , बबन इंगळे ,तारेक शेख ,दत्तराम राठोड,विकास जाधव ,संजय चव्हाण,गुफरान शेख,आझम खान ,बाळकृष्ण उताने ,निलेश इंगळे ,सुफियान ,संजय वाट व श्याम ठक हे होते. यावेळी व्हॉइस ऑफ मीडीयाच्या कार्यपद्धतीवर मान्यवरांनी प्रकाश टाकला .
पत्रकारांच्या हितासाठी देशपातळीवर कार्यरत असणारी व्हॉइस ऑफ मीडीया ही एकमेव संघटना असल्याचे जिल्हाध्यक्ष संजय खांडेकर यांनी नमूद केले..